ತ್ಯಾ ಪಿಶ್ಯಾಂಚ್ಯಾ ಹೊಸ್ಪಿಟಲಾಂತ್
ಕೋಣ್ ಪಿಸೊ ಮ್ಹಣ್‌ಚ್ ಕಳನಾ
ಪಳೆತಲೆ,
ಪಳೆಂವ್ಕ್ ವೆಚೆ..
ರಡ್ತಲೆ,
ರಡೊಂಕ್ ವೆಚೆ..
ಹಾಸ್ತಲೆ,
ಹಾಸೊಂಕ್ ವೆಚೆ.
ಸಗ್ಳೆಯ್ ಪಿಶೆ!
ಪಿಶೆಂ ಆಸ್ಚೆಂ ತಕ್ಲೆಂತ್ ಖಂಯ್
ಕೋಣ್ ಮ್ಹಣ್ತಾ
ತಶೆಂ ಮ್ಹಣ್ತಲೊಚ್ ಪಿಸೊ!
ಪಿಶೆಂ ಆಸ್ಚೆಂ ದೊಳ್ಯಾಂನಿ...
ದೊಳೆ ಸಾರ್ಕೆ ಆಸ್ಲ್ಯಾರ್ ಸಗ್ಳೆಂ ಸಾರ್ಕೆಂ
ಸಗ್ಳೆ ಸಗ್ಳ್ಯಾಂಕ್ ಪಿಶೆ ದಿಸ್ತಾತ್
ಕೋಣ್ ಕೊಣಾಕ್‌ಚ್ ಪಿಸೊ ದಿಸನಾ!
ಹೆಂ ಪಿಶೆಂ
ಮನ್ಶಾಂಕ್‌ಚ್ ಕಿತ್ಯಾಕ್ ಲಾಗ್ತಾ?
ಛೆ...
ತೊ ಬರೊ ದೇವ್ ಏಕ್ ಪಾವ್ಟಿಂ
ಪಿಸೊ ಜಾಲ್ಲೊ ತರ್...
ಬರೊ ದೇವ್ ಬರ್‍ಯಾಂಕ್‌ಚ್ ವ್ಹರ್‍ತಾ
ಮ್ಹಣ್ತಲ್ಯಾಂಕ್
ರೂಪ್ ರೂಪ್‌ಶೆಂ ದಿಸ್ತೆಂ...
ವ್ಹಯ್....
ದೇವ್ ಪುಣೀ ಪಿಸೊ ಜಾಲ್ಲೊ ತರ್...
ಭೊಂವಾರ್ ವೆಗ್ಳೊಚ್ ಕರ್‍ತೊ
ತ್ಯಾ ಪಿಶೆಪಣಾಚೆಂ ಸುಖ್ ಭೊಗುನ್
ತೊ ಪಿಸೊ ಜಾವ್ನ್‌ಚ್ ಉರ್‍ತೊ!
ಪಿಶ್ಯಾಂಕ್ ವೆಗ್ಗಿಂ ವ್ಹರ್‍ತೊ..
ಬರ್‍ಯಾಂಕ್ ಹಾಂಗಾಚ್ ಸೊಡ್ತೊ!
Source : http://www.kavitaa.com/display_poems.asp?id=116#.V3n3Pvl97Dd