Albums

ರಾವ್ಳೆರ್ - 2006

ಕೊಂಕ್ಣಿ ಭುರ್ಗ್ಯಾಂ ಥಂಯ್ ಕೊಂಕ್ಣಿ ಪದಾಂಚಿ ಅಭಿರೂಚ್ ವಾಡೊಂವ್ಚ್ಯಾಕ್ ಆನಿ ಆದ್ಲಿಂ ಲೊಕಾಮೊಗಾಳ್ ಪದಾಂ ಪರತ್ ಲೊಕಾಂ ಜಿಬೆರ್ ಹಾಡೊಂವ್ಚ್ಯಾಕ್ ಲೊಯ್ಡ್ ಆನಿ ರೋಶನಾನ್ ಕೆಲ್ಲೊ ನವೊ ಪ್ರಯೋಗ್ಚ್ ‘ರಾವ್ಳೆರ್’.

ವಿಲ್ಫಿ ರೆಬಿಂಬಸ್, ಮಾಂಡ್ ಸೊಭಾಣ್, ಜೆರೊಮ್ ಡಿಸೋಜ, ಮೆಲ್ವಿನ್ ಪೆರಿಸ್, ಹೆನ್ರಿ ಡಿಸೊಜಾ, ಲೊರೆನ್ಸ್ ಸಲ್ಡಾನ್ಹ, ಕ್ರಿಸ್ ಪೆರಿ, ಪಿ. ಎಚ್. ಪಿಂಟೊ, ಮಾಯ್ಕ್ ಸಯ್ಮನ್ ಆನಿ ಲೊಯ್ಡ್ ರೇಗೊ ಹಾಂಚಿಂ ಅಪುರ್ಬಾಯೆಚಿಂ ಪದಾಂ ಘೆವುನ್, ನವೆಂ ಸಂಗೀತ್ ಸಜೊವ್ನ್, ಮಂಗ್ಳುರ್ ತಶೆಂ ಉಡುಪಿಂತ್ಲ್ಯಾ ತಾಲೆಂವಂತ್ ಭುರ್ಗ್ಯಾಂಕ್ ತರ್ಬೆತಿ ದೀವ್ನ್ ತಾಂಚ್ಯಾ ಅಪುರ್ಬಾಯೆಚ್ಯಾ ಗಾಯಾನಾಸವೆಂ ಹಿ ಕೊವ್ಳಿ ಪ್ರಸ್ತುತ್ ಕೆಲ್ಯಾ. ಏಕ್ ಭುರ್ಗ್ಯಾಂಚೊ ಮಾಂಡೊ ಸಯ್ತ್ ಹಾಂತುಂ ಆಸಾ.

ಹೊ ಪ್ರಯೋಗ್ ಜಾಯ್ತೊ ಲೊಕಾಮೊಗಾಳ್ ಜಾಲೊ. ವ್ಹಡಾಂಚಿಂ ಪದಾಂ ಭುರ್ಗ್ಯಾಂನಿ ಗಾಯಿಲ್ಲೆಂ ಏಕ್ ನವೆಸಾಂವ್ ತರ್ ನವೆ ಪಿಳ್ಗೆಕ್ ಹಿಂ ಪದಾಂ ಆಯ್ಕುಂಕ್ ಮೆಳ್ಲ್ಲೆಂ ಆನ್ಯೇಕ್ ಸಾರ್ಥಕ್ಪಣ್. ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್, ವಿಶ್ವ್ ಕೊಂಕ್ಣಿ ಕಲಾರತ್ನ್ ಎರಿಕ್ ಒಝೇರ್ ಹಾಂಣಿ ಹ್ಯಾ ಪ್ರಯೋಗಾ ಖಾತಿರ್ ಹೊಗ್ಳಿಕ್ ಉಚಾರ್ಲ್ಯಾ.