ದೆವಾ....
ತುಂವೆಂ ಮಲೇರಿಯಾಕ್
ಜಶಿ ಜಳಾರ್ ದಿಲಿ
ತಶೆಂ ಲವೇರಿಯಾಕ್
ಏಕ್ ದೀವ್ನ್ ಸೊಡ್!

ಹ್ಯಾ ಹೊಸ್ಪಿಟಲಾಚ್ಯಾ ಖಟ್ಲ್ಯಾರ್
ಮ್ಹಜೆ ಹಾತ್ ಪಾಯ್ ಪೊಶೆವ್ನ್
ಹೆಂ ನರ್ಸ್ ಇಂಜೆಕ್ಶನ್ ದಿತಾನಾ
ತಾಣೆ ತೊಪ್ಲಲಿ ಸುವಿ
ಶಿರೆಕ್ ತೊಪ್ಚೆ ಬದ್ಲಾಕ್
ಫುಲಾಬರಿಂ
ಶೀದಾ ಕಾಳ್ಜಾಕ್ ಲಾಗ್ತಾ!
ತಾಣೆ ದೆಂವಯ್ಲಲೊ ಗ್ಲೂಕೊಸ್
ಅಮ್ರತಾಚಿ ಶಿಳಾ ಜಾವ್ನ್
ಮನಾಂತ್
ತಾಜ್ ಮಹಾಲ್ ಬಾಂದ್ತಾ...

ದೆವಾ....
ತುಂವೆಂ ಮಲೇರಿಯಾಕ್
ಜಶೆಂ ವೊಕಾತ್ ದಿಲೆಂಯ್
ತಶೆಂ ಲವೇರಿಯಾಕ್
ಏಕ್ ದೀವ್ನ್ ಸೊಡ್!

ತಾಚ್ಯಾ ಹಾತಾಂತ್ಲ್ಯೊ ಗುಳಿಯೊ
ಮ್ಹೊಂವಾಚೆ ಪೆಳಿಯೆಬರಿಂ
ಗಳ್ಯಾಂತ್ ಮ್ಹಜ್ಯಾ ರಿಗ್ತಾನಾ
ತಾಂತುಂ ಉಮ್ಯಾ ತುವೆಂ
ಭರುನ್ ದಿಲಾಂ ತಶೆಂ ದಿಸ್ತಾ
ತಾಚ್ಯಾ ದೊಳ್ಯಾಂತ್ಲೊ ಮಯ್ಪಾಸ್
ಬಯ್ಪಾಸ್ ಸರ್ಜರಿತಶೆಂ
ಹರ್ದ್ಯಾಕ್ ಮ್ಹಜ್ಯಾ ಚೆಂಚ್ತಾ...

ದೆವಾ....
ತುಂವೆಂ ಮಲೇರಿಯಾಕ್
ಜಶೆಂ ನರ್ಸ್ ದಿಲೆಂಯ್
ತಶೆಂ ಲವೇರಿಯಾಕ್
ಏಕ್ ದೀವ್ನ್ ಸೊಡ್!

ತಾಚ್ಯಾ ಉಸ್ಕ್ಯಾರ್ ಮಾತೆಂ ತೆಂಕುನ್
ಬಾಳಾಪರಿಂ ಸುಶೆಗಾತ್
ಸಂಸಾರ್ ವಿಸ್ರುನ್ ನಿದ್ತಾಂ ಹಾಂವ್
ತಾಚೆ ವೆಂಗೆಂತ್ ಸಗ್ಳ್ಯೊ ಪಿಡಾ
ಮನಾಂತ್ ಲ್ಯೊ ಮಾಯಾಕ್ ಕರುನ್
ಸರ್ಗಿಂ ಆನಂದ್ ಭೊಗ್ತಾಂ ಹಾಂವ್

ದೆಕುನ್ ಏಕ್ ಉಪ್ಕಾರ್ ಮಾಗ್ತಾಂ
ಕರಿತ್ ತರ್ ಹೆಂ ಅಶಿಚ್ ಸೆವಾ
ಜಿಣಿಭರ್ ಹೊಸ್ಪಿಟಲಾಂತ್ ನಿದ್ಚಿ
ಪಿಡಾ ದೀ ದೆವಾ!!!

- ಲೊಯ್ಡ್ ರೇಗೊ

Comments powered by CComment

Home | AboutSitemap | Contact

Copyright ©2015 www.lloydtaccode.com. Powered by

Contact Us

Lloyd  Rego, Taccode

Mobile : +91 9611109580 
Email : [email protected]